Gipahinumdoman sa grupong Bagong Alyansang Makabayan (BAYAN) pinaagi ni Rauf Sissay ang gobyerno ug ang mga awtoridad mahitungod sa katungod sa tanang lungsoranon nga magpadayag, magpetisyon, ug mag-organisa.
Gipasabot ni Sissay nga kining maong mga katungod gigarantiyahan ug gi-ila mismo sa konstitusyon sa Pilipinas. Hinuon, ginalantaw usab nila nga gawas sa kapulisan, gipaluyohan kini nga mga aksyon sa mga puwersa sa National Task Force to End Local Communist Armed Conflict o NTF-ELCAC, kauban ang mga online trolls ug intelligence operatives.
Sumala kaniya, kining mga grupo padayon nga nagasabwag og mga maling impormasyon ug nagapakitag makadaot nga mga akusasyon batok sa mga aktibista.
Sa laing bahin, giklaro ni Sissay nga kining mga panghitabo dili bag-o tungod kay duna na usab silay mga naagian nga susamang kasinatian kaniadto.
