CAGAYAN DE ORO CITY, Philippines – Gipamugos ni Atty Stephen David, abogado sa natangtang nga Mayor sa Bamban, Tarlac nga si Guo Hua Ping alyas Alice Guo, nga dili mahimong manubag sa isyu sa notaryo ang iyang kliyente.
Kini nga argumento maoy gigamit sa legal counsel ni Guo sa iyang gipasa nga counter-affidavit alang sa kasong human trafficking.
Namugos si Atty David nga atua na sa gawas sa nasud si Guo dihang nanotaryuhan ang nasampit nga affidavit.
Una niini, gawas sa human trafficking, daghan pang kaso ang gipasaka kang Guo nga gilakipan sa peke nga pagkatawo, pagkalambigit sa large scale money laundering ug ang paghawid nila sa illegal POGO sa Region 3 Central Luzon, particular na sa municipalidad sa Bamban.
