Gipamatud-an ni international addiction expert Percival Batar nga ang hair follicle test ang labing kasaligan nga paagi sa pag-ila sa dugay nang paggamit sa ilegal nga droga, ilabi na sa mga indibidwal nga gidudahang tigamitan. Gibutyag ni Batar nga ang kemikal nga gigamit sa paggama sama sa shabu, cocaine, heroin ug uban pa, mosunok sa dugo ug mutapot sa kinatumyan sa buhok, nga mahimong masuta hangtod 90 ka adlaw human sa paggamit o mas dugay pa. Tungod niini, daghang drug users ang naglikay sa maong klase sa test kay dili kini matamper sa ilang tinuod nga kasaysayan sa paggamit. Sa laing bahin, iyang giingon nga ang urine test dali ra matamper ug limitado ra sa 1–7 ka adlaw ang detection window, busa mas sayon kini limbungan. Gihimo ni Batar ang pahayag taliwala sa kontrobersiya nga wala pa matubag ni Presidente Ferdinand Marcos Jr. ang hagit nga magpa-hair follicle test, human mismo sa iyang igsoon nga si Senador Imee Marcos ang miingon sa INC Peace Rally nga cocaine ang gigamit nga droga sa presidente.
