CAGAYAN DE ORO CITY – Giatubang sa duha ka dinakpan nga nalambigit sa ilegal nga droga ang kasong pagsupak sa Republic Act 9165/ Dangerous Drugs Act of 2002 sa piskalya.
Kini human nasignit sa mga operatiba sa Philippine Drug Enforcement Agency Zamboanga del Norte Provincial Office, PDEA Lanao del Norte Provincial Office, Regional Intelligence Unit 10 ug Lala Municipal Police Station ang mga suspek nga sila alyas Warda,35 anyos ug Junaid,20 anyos nga pulos nagpuyo sa Brgy Población,Salvador,Lanao del Norte.
Gibutyag sa report nga unang nakig-koordinar ang PDEA 9 sa ilang local counter parts kay gusto nila makuha ang duruha hinungdang gikasa ang buy-bust operation sa Purok Acacia,Brgy Maranding,Lala sa maong probinsya.
Nabawi gikan sa posisyon sa mga dinakan ang un-kilo nga gitoohang shabu nga nagkontar sa halos 7 milyones pesos,boodle money nga gipa-bababwan sa tinood nga libo ka pesos,celhpones,containers,bags,IDs ug aktuwal nga salaping cash.
Detinado ang duha ka dinakpan samtang gihulat ang mando sa korte nga ipadala na kini sa regular jail facility aron atubangon ang ilang atraso sa hukmanan.
