CAGAYAN DE ORO CITY – Gibarugan sa Land Transportation Office 10 nga motigbabaw ang ilang pagsunod sa nasudnong balaod kabahin sa paggamit sa helmets nga motor riders dinhi sa rehiyon.
Kini bisan kon may ordinansa nga gipatuman ang city govt kay aron mapadali ang pagsanta batok sa motorcycle in tandem suspects nga mga responsable sa pipila ka kremin sa dakbayan.
Miingon si LTO 10 regional director Nelson Manaloto nga nasabtan nila ang tinguha sa dakbayan apan wala’y ordinansa usab nga mosapaw sa nasudnong balaodnon gawas kon kini usbon sa Kongreso.
Una nang gitawag nga walay ngipon ang maong ordinansa gipatuman sa mga personahe sa RTA kay limitado lamang kini sa pipila ka brgy sa dakbayan.
Samtang gitakdang wad-an sa gahom ang ordinansa nga bag-uhay lang napasar nga nagtumong sa pagpahubo sa motor riders sa ilang sul-ob nga helmets kon nasulod sa gilatid nga brgys dinhi sa dakbayan.
Kini ang nahukman sa komitiba sa public safety nga gipanguluhan ni Kag.Romeo Calizo.
Miingon ang konsehal nga mohimo na lang sila’g laing balaod nga makatabang sa pagmintinar sa kahusay’g kalinaw nga dili mo-kontra sa batakang balaod.
Hisayrang nagpatuman ang taga-RTA sa maong balaod-lokal nga walay mando-ehekutibo gikan kang City Mayor Rolando’ Klarex’ Uy.
