CAGAYAN DE ORO CITY – Inihap nalang ang presensya sa armadong miyembro sa Hexbollah sa Lebanon.
Kagahapon, mi-atubang sa state media TV si Lebanese President Joseph Aoun ug nangante nga dis-armahan niya ang tanan sakop sa Hezbollah sa dili pa matapos ang tuig 2025.
Namugos ang lebanese President nga human ang malampuson nga kampanya sa Israeli Defense Force, nangante kini nga kompiskahon sa ilang estado ang mga armas sa rebeldeng pundok.
Hinoon, gihataga’g opsyon sa gobyerno ang mga rebelde.
Usa niini ang pagsurrender sa ilang armas ug mabuhi nga desente, ug ang ikaduha mao ang pagsulod sa Lebanese Army.
Una niini, tinguha sa gobyerno sa Lebanon nga mubalik ang kalinaw sa ilang nasud, nga gigun-ob sa Hezbollah sulod na sa 50 ka tuig.
Wala pay komento si Hezbollah Leader HezbollahNaim Qassem sa lakang sa gobyerno sa Lebanon.
