PRANSYA – Inspirasyon ni Vannessa Sarno si 2020 Olympics weightlifting gold medalist Hidilyn Diaz sa pag-apil niini sa Paris Olympics 2024 nga sugdan na sulod ning semanaha.
Miingon si Sarno nga dako’g nahatag nga motibasyon si Diaz aron maningkamot uasb kini pagsakmit sa laing medalya alang sa Pilipinas.
Siya miingon nga makig-kompetensiya kini batok sa ubang mga atleta sa Olympics ubos sa 71 kilograms category.
Mihangyo usab kini sa mga pag-ampo nga unta molampos ang sobra 20 ka atletang Pinoy nga molambigit sa maong sikat nga kalihukan didto sa Pransya diin buksan sa Hulyo 26 ning tuiga.
