Gitubag sa “self-confessed bagman” Ramil Madriaga, ang hagit ni Davao City Mayor Sebastian “Baste” Duterte. Miingon si Madriaga nga dawaton niya ang hagit nga makigbinaylu-anay sa kinumo sa mayor.
Pinaagi sa sulat nga gipadala sa iyang abogado, gipahayag ni Madriaga nga siya nalipay ug nasurprisa nga gihagit sa anak ni kanhi presidente Presidente Rodrigo Duterte.
Apan, iyang gipasabot ang publiko nga siya karon gipriso, limitado sa pisikal nga kusog, ug 58 anyos na. Busa, gisugyot niya kang Duterte mangita sa laing kaatbang nga susama sa iyang edad ug gitas-on.
Taliwala sa nga siya disbentaha, gipakita daw gihapon ni Madriaga ang iyang ka andam nga mosukol kon mare-solba ang mga kaso nga iyang giatubang.
Hisayran nga usa sa alternatibong gisugyot niini mao nga ang away nila ipahihgayon sa Camp Bagong Diwa, kung asa siya naditinar. Una niini, gihagit ni Mayor Baste si Madriaga sa “no holds barred” fight, pagkahuman nga nalakip ang iyang ngalan sa affidavit ni Madriaga sa House Justice Committee hearing.
