CAGAYAN DE ORO CITY – Mihangyo ang common-law-wife ni kanhi Pres Rodrigo Duterte nga si Honeylette Avanceña sa katawhan nga di sila talikdan apan kuyugan sa pagsulay nga miabot sa ilang kinabuhi.
Gihimo niini ang mensahe pipila ka adlaw gikan sa pagdakop sa International Criminal Court o ICC kang Duterte aron ipatubang sa iyang kaso didto sa Netherlands.
Miingon ang kapikas ni Duterte nga angayang mabugto na ang naghinobrang abuso nga mugna sa kasamtangang administrasyon.
Una niini,nakahilak kini sa pagdumdom sa mga kasinatian sulod sa airport kung giunsa pag-abusar sa mga otoridad si Duterte.
Kini ang pinakaunang higayon nga miatubang nga emosyonal si Honeylette kinsa nag-una nga dili unta madala sa Netherlands si Duterte kay ipatubang sa crime against humanity case sa ICC.
