Linawas nga gibisita ni Presidente Ferdinand Marcos Jr. ang mga tunghaan sa elementary alayon sa unang adlaw sa Brigada Eskwela Program sa Department of Education, kagahapon.
Partikular nga nasusi sa presidente ang Tibagan Elementary School sa San Miguel, Bulacan kuyog ni DepEd Secretary Sonny Angara.
Gimando ni Marcos nga butangan sa limpyo nga pansayan ang mga tunghaan sa mga bata aron luwas sila sa mga delikadong sakit.
Maoy gikadismaya sa presidente ang report nga kasagaran sa mga karaang tunghaan sa DepEd walay tubig ug walay saktong water facilities.
Kini ang rason nga gisugyot sa presidente nga pakutayan sa tubig ang mga tunghaan sa dili pa magbukas ang klase sa Hunyo 16.
Gawas niini, mihatag siya’g direktiba kang Secretary Angara nga pulihan na sa bag-ong gambalay ang mga tag 20 hangtud 30 ka tuig nga mga school buildings kay dili na kini luwas alang sa mga tinun-an.
Sa susamang adlaw, nasaksihan sa presidente ang pag instular sa mga smart television ug Starlink internet service, sa tunghaan aron mapalig-on ang digital learning sa mga estudyante.
