CAGAYAN DE ORO CITY – Dili imposible nga mag-atubang sa isyu sa ‘security of tenure’ ang liderato sa PNP kabahin sa pagpa-resign sa katungdanan sa ilang mga pulis nga dunay ranggo nga full pledge colonels ug generals.
Kini maoy nakita ni Intergrated Bar of the Philippines Misamis Oriental Chapter President Atty Katrina Mordeno kabahin sa implikasyong legal sa gihingusgan nga courtesy resignation ngadto sa maong mga pulis.
Siya miingon nga maayo ang tinguha sa PNP ug DILG niini apan dili kalikayan nga dunay modangop niini sa hukmanan kon moabot ang higayon nga sila pugson pagpa-resign kay gi-alegahan nga nalambigit sa ilegal nga droga.
Una usab niini,gipasabot ni Chief PNP Gen. Rodolfo Azurin Jr nga kini na ang ensaktong higayon aron limpyuhan nila ang ilang kaugalingon batok sa dugay nang pasangil nga sila protectors o mismo maoy nagpadagan sa negosyong droga dinhi sa nasud.
Samtang nagtoo usab si kanhi IBP-MisOr Chapter President Atty Ed Cuaresma nga dunay lig-ong mga ebedensiya kon nganong gisuportahan ni DILG Sec.Benjamin Abalos Jr ang rekomendasyon ni Azurin nga ipa-resign sa ilang trabaho ang 3rd level ranking officers sa ilang organisasyon.
Miingon si Cuaresma nga kon napakyas ang duha ka miagi nga Aquino ug Duterte administrations pagsanta sa illegal drug trade sa Pilipinas,angay hatagan sa higayon nga kini mapatuman sa panahon ni Pres Bongbong Marcos.
Una nang nasapon ang daw druglord nga police sargeant diin nabawi-an sa halos usa ka tonelada nga shabu sa kauluhan.
