Gibasura sa International Criminal Court (ICC) prosecution ang hangyo ni kanhi Presidente Rodrigo Duterte nga i-apelar ang desisyon sa pag-kumpirmar sa mga kaso nga may kalabotan sa giingong extra judicial killings (EJK) sa iyang panahon isip mayor sa Davao City ug Presidente sa Pilipinas.
Matod sa prosekusyon, sayop ang interpretasyon sa depensa ug wala kini nakapakita sa appealable issues.
Gipunting usab nga klaro nga gipasabot sa korte ang sakop sa mga reklamo ug lig-on ang basihanan sa mga ebidensya ug testimonya. Sa pagkakaron, gikatakda na nga molihok ang kaso sa Trial Chamber 3.
Subay niini, gipadayag ni Bise Presidente Sara Duterte nga gidawat niya ang desisyon sa International Criminal Court (ICC) nga adunay hurisdiksiyon ug sa confirmation of charges batok kang kanhi Presidente Rodrigo Duterte.
Matod ni VP Sara, human sa bag-ong desisyon sa international tribunal, kinahanglan na nga mag-move on ug mag-andam ang defense team sa iyang amahan para sa trial. Dugang pa niya nga dili nila makita nga buhian sa ICC ang kaso batok sa kanhi Presidente. (Phillip ariata)
