CAGAYAN DE ORO CITY – Nagtoo ang pipila ka abogado nga sakop sa Intergrated Bar of the Philippines o IBP-Misamis Oriental chapter president Atty. Eddie Cuaresma nga dili mapresyur sa bisan unsa nga global political movements ang mga hurado sa International Criminal Court o ICC sa Netherlands.
Kini human gisupak sa daghang mga Pinoy dinhi sa Pilipinas ug sa daghang bahin sa kalibutan ang pagdakop sa ICC kang kanhi Pres Rodrigo Duterte batok sa kasong crime against humanity nga epekto sa pasangil sa extra judicial killings dinhi sa nasud.
Miingon si Cuaresma nga dili ordinaryong mga hurado sa ICC ang magdungog sa kaso batok sa kaso ni Duterte.
Siya miingon nga dili madala sa bisan unsa nga pag-presyur ang ICC judges kay dili kini ang basehan sa pagsulbad sa isyu sa kanhi-presidente.
Hinoon,may angay buhaton sa katawhan nga tahuron ang ICC judges ug likayan nga mangdaut ug dili mangatake hangtod nga adunay ipakanaug nga hukom sa kaso ni Duterte.
Hisayrang daghan sa mga Pinoy nga gusto na ipapauli sa ICC si Duterte rason nga daghan kanila ang wala makaangay sa gipakitang kinaiya ni Pres Bongbong Marcos sukwahi sa gisaad niini nga walay makahilabot niini.
