CAGAYAN DE ORO CITY – Gihimakak sa interim officials nga ilang mani-obra ang giingong pagkalungkab sa data center room sa Cagayan de Oro Water District o COWD.
Kini human sapon sa CCTV camera ang empleyado sa city hall nga nagsilbing IT expert nga nadestino sa CLENRO nga kabahin sa misulod sa maong lawak nga gitratar sa nga sensitibo sa COWD sa miaging petsa 24 sa Hunyo sa gabii.
Miingon si interim COWD General Manager Fermin Jarales nga wala sila magbuhat ug dili nila binuhatan ang pagpanglungkab sukwahi sa gipatoo sa ilang mga kritiko.
Namahayag kini nga bisan gani ang mga paglusad sa prayer rallies nga hinimuan sa union workers sa COWD,sinabutan nila kay aron mahimong hapsay ang maong kalihukan.
Namugos si Jarales nga walay ransak apan dunay pag-takeover niya sa opisina ni COWD General Manager Engr Antonio Young samtang gipa-work from home nunot sa paglikay nga dunay tensyon.
Dumduman nga unom ka bulan lang ang gihatag sa Local Water Utilities Administration sa grupo ni Jarales nga mohimo’g mga lakang nga makatabang pagsulbad sa gisagubang nga mga suliran sa COWD.
Hisayrang apil si Young sa mga miduso’g petisyon sa korte nga nagkuwestiyon sa legalidad pagsulod sa LWUA sa COWD pinaagi sa interim officials.
