CAGAYAN DE ORO CITY – Giselebrar sa lugar sa mga kabus ang ika-28 ka tuig nga anibersaryo sa pagkatawo sa Bombo Radyo Cagayan.
Kini human nahukman sa istasyon nga magpa-feeding sa kapin 200 ka mga bata nga nagpuyo sa landfill area sa Zayas Brgy Carmen ning syudad.
Daghang mga bata ang nalingaw ug nalipay sa gi-apud nga arozcaldo.
Una niini, mihimo sa motorkada ang sibyahan ug kini gitampuhan sa mga kapulisan sa Misamis Oriental Provincial Police Office, mga diehard supporters sa Bombo Radyo, mga kasundaluan sa 4th ID Phil Army ug daghan pang mga groups and organizations sa mga rescue 2000, bikers, ug grupong Guardians.
Mihalad sab sa santos nga misa ang sibyahan kundiin kini gipahigayon sulod sa Bombo Radyo Broadcast center ug gipanguluhan ni Fr. Aidan Zavallero, gikan sa Lorenzo Ruiz Mission Society.
Tipik sa mensahe sa homiliya sa 29-anyos nga pari ang pagpakatag sa kamatuoran ug iyang pagpasalamat sa daghang Bombo Radyo Station sa tibook Pilipinas sa pagsibya sa kamatooran.
Alang sa simbahang katolika, ang kamatooran usa ka timaan sa pagpangga sa Dios.
