Gisugat dayon sa impeachment complaint ang adlaw sa pagdeklarar ni Bise Presidente Sara Duterte sa iyang presidential bid sa 2028 Election.
Pipila ka oras human ang iyang deklarasyon, gisang-at sa usa ka abogado ang ika-upat nga impeachment complaint batok sa bise Presidente.
Si Atty. Nathaniel Cabrera, mibitbit sa 69 ka pahina nga reklamo sa bise presidente ug namugos nga iyang nasupak ang musunod:
Pag-abuso sa ₱612.5 milyon nga confidential funds
Paghulga sa pagpatay kang Presidente Ferdinand Marcos Jr. ug sa iyang pamilya
Paglapas sa Konstitusyon
Pagbudhi sa publiko, graft ug corruption
Uban pang akusasyon sama sa pag-abuso sa gahum, panikas, ug dili pagdeklara sa mga assets.
Hisayran nga gitiming sa abogado ang pagpasa sa reklamo sa mismong adlaw nga gideklarar sa bise presidente ang iyang pagpapili isip presidente sa 2028 nga pili-ay.
Ang reklamo gi-endorso sa House ni Deputy Speaker Paolo Ortega ug Rep. Bienvenido Abante, nga naghatag niini ug pormal nga kusog sa Kongreso.
