Gi-insistir ni Akbayan Partylist Representative Chel Diokno nga kinahanglan gihapon ipadayon ang impeachment proceedings bisan pa sa mga krisis nga gi-atubang sa nasud ug dili kini angay tan-awon nga pag-usik sa oras sa mga magbabalaod.
Sumala ni Diokno, ang impeachment usa ka mekanismo sa pag-panubag aron masuta sa publiko kung matinud-anon ba o dili ang usa ka lider.
Gipadayag ni Diokno nga kon ang usa ka lider dili matinud-anon sa iyang katungdanan, kini mahimong agi-anan sa korapsyon ug pang-abuso sa gahum.
Dugang pa ni Diokno, ang proseso sa impeachment importante aron mapanalipdan ang integridad sa kagamhanan ug masiguro nga ang gahum dili magamit batok sa interes sa katawhan. (phillip ariata)
