CAGAYAN DE ORO CITY – Pinangita sa Lumbia Police Station operatives nga ubos sa Cagayan de Oro City Police Office ang anak nga gitudlong midunggab sa kaugalingong inahan ug mibunal pa sa kahoy epekto sa grabeng kahubog sa ilimnong makahubog sa Lower,Brgy Tignapoloan ning syudad.
Saysay sa 58 anyos nga inahan nga si alyas Bel nga nagpasulabi ang kahubog sa iyang anak nga misibat nga si alyas Boy Maoy hinungdan nga siya ang nahinaykan sa paghiuli niini sa balay.
Dili pa igo,nadamay pa ang laing anak sa inahan sa paghurementado ni Boy Maoy hinungdan nagbaton usab kini sa mga bun-og.
Migamit sa kutsara pagdunggab ang suspek ug gibunala’g kahoy ayha misibat rason nadala sa ospital ang makalooy nga inahan.
Miani sa grabeng pagsaway gikan sa ilang mga silingan ang maong suspek nga nakaako’g pasakit sa kaugalingong inahan tungod lang sa naghinobrang kahubog.
