Target ni Senate Pro Tempore Panfilo “Ping” Lacson nga mag-face-off si Zaldy Co, Orly Guteza ug ang 18 ka mga kanhi Philippine Marines nga nagpa-ila nga bagman sa kanhi kongresista.
Tumong ni Lacson nga masuta ug madungog ang “consistency” sa ilang sworn affidavit ug pamatud-an kung kinsa ang utok o mastermind sa pagbahin bahin sa salapi gikan sa pondo sa flood control projects sa Department of Public Works and Highways (DPWH).
Namahayag si Lacson nga dinhi masuta kung unsa nga klase sa pagpanlimbong ug kurapsyon ang ilang gihimo sa katawhang Pilipino nga tag-iya sa ilang gi-apud-apud nga salapi.
Si Co adunay pending show cause order tungod sa iyang kapakyas sa pag-tambong sa nangagi nga mga mga hearing, ug gilaraw nga pangayoon ang permiso sa Sandiganbayan aron makatestigo siya human sa iyang pagdakop sa Czech Republic.
Hisayran nga nag Senate Blue Ribbon Committee hearing kasamtangan nga gisuspenso hangtod mapirmahan sa siyam ka miyembro ang partial report, nga dugay na nga naglibot sukad Pebrero.
Gipadayag ni Lacson nga adunay mga senador nga dili mopirma, ug kini nagpakita sa posibleng politikal nga impluwensya sa proseso.
Ang iyang plano nga face-off usa ka taktika aron masuta ang kredibilidad sa mga testimonya ug mapalig-on ang integridad sa imbestigasyon.
