CAGAYAN DE ORO CITY – Tinguha maporma Community Alliance for Water Security Action o CAWSA kuyog ang ubang mga grupo nga nag-adbokasiya sa pagbaton sa igong panubig sa syudad ang Metro CDO Water Security Framework o MCDOWSF.
Kini human tubaga sa Cagayan de Oro Water District interim officials,Xavier University Science Foundation ug Bantay Tubig Movement ang imbitasyon sa CAWSA nga magtigom aron magbaton sa solido nga direksyon alang sa state-owned-operated water system ang dakbayan.
Namahayag si CAWSA convenors presiding officer Atty. Proculo Sarmen nga naminaw ang matag-pundok nga miapil sa kalihukan samtang gipresentar ni interim COWD General Manager Fermin Jarales ang short,medium ug long term strategies kon unsaon pagsulbad ang mga suliran nga gisagubang sa city water district.
Miingon si Sarmen nga kini ang rason nga namugna ang daghang pre-planning activities aron maporma ang Multi-Sectoral Integrated Water Security Plan.
Siya miingon nga tungod niini,mugnaon ang MCDOWSF sulod ning bulana aron magsilbing gabayan sa mga plano,proyekto ug pondo ngadto sa mga buhatan sa gobierno alang sa supply,distribution sa limpyo ug barato nga tubig.
Target usab sa grupo nga mapalig-on ang MCDOWSF aron maapil sa National Expenditure Program ug General Appropriations Act.
