CAGAYAN DE ORO CITY – Luwas ra ang katawhan batok sa makaliton paghapak sa ‘ipo-ipo’ sa sentrong bahin sa Claveria,Misamis Oriental.
Kini bisan kon nakahatag sa damyos ang kalit nga pagbundak sa kusog nga ulan nga gisundan sa ‘ipo-ipo’ rason nangaguba ang mini-commercial stalls ingon man ang mismong patrol car sa Claveria PNP sa lalawigan.
Namahayag si Claveria Police Station commander Capt. Rodel Labadan nga kalit ang hitabo apan nagpasalamat na lang gihapon sila kay walay mga tawo dihang miigo sa porsyon sa munisipyo ang ipo-ipo.
Hisayrang sa miaging semana mao usab ang pagsinati’g ulan sa lalawigan epekto sa presensiya sa bagyong Aghon nga unang nagpapidpid sa kadagatang sakop sa Caraga region.
