Dili motogot ang Iran nga ipadala sa Estadus Unidos ang ilang enriched uranium. Kini ang gitin-aw ni Foreign Ministry spokesman Esmaeil Baghaei sa pakighinabi sa prensa.
Gawas niini, gidepensa ni Baghaei ang mga pulong ni Foreign Minister Seyed Abbas Araghchi bahin sa Strait of Hormuz nga nahisubay sa kasabutan sa ceasefire tali sa Iran ug U.S. nga gi-anunsyo niadtong Abril 8.
Alang kaniya, dili kini bag-ong diplomatikong hisgutanan.
Unang namahayag si Araghchi nga ang Strait of Hormuz magpabiling abli alang sa komersyal nga barko samtang naglungtad ang ceasefire.
Si Baghaei sa iyang bahin, nagpasidaan nga Iran magpatuman sa countermeasures kung magpadayon ang blockade sa U.S. sa maong agianan sa dagat.
Gipamugos usab sa opisyal nga walay bag-ong kasabutan nga nakab-ot ug ang mga negosasyon sa Pakistan nagpadayon aron tapuson ang panagbangi ug maprotektahan ang interes sa Iran.
Mahinumduman nga mihungaw kagahapong adlawa ang report nga ilusad ang ikaduhang hugna sa negosasyon sa Iran ug US sa Pakistan, karong domingo.
