Misaka pa sa 25 ka tawo ang patay ug 63 ang samaran sa makalilisang nga insidente sulod sa Saint Elias Church sa Dwelaa area sa Damascus, Syria.
Namahayag si Interim President Ahmed al-Sharaa nga usa ka suicide attacker nga konektado sa grupo nga Daesh (Islamic State) ang misulod sa simbahan, samtang kamulo ang misa, ug puno kini sa mga deboto.
Ang suspek mipabuto sa armas, ayha mipabusikad sa iyang kaugalingon gamit ang explosive belt. Misangpot kini sa kamatayon sa daghang bata ug katigulangan.
Lakip sa nadamyos ang mga bangko, kahoy nga kasangkapan, ug mga sagradong imahe gumikan sa kakusog sa impak sa pagbuto.
Ang mga sakop sa Syrian Civil Defence ug mga boluntaryo dinaliang mitabang sa pagluwas ug pagpabakwit sa mga survivors sa suicide attack.
Kini pa ang unang higayon nga gi-atake sa Daesh Terrorist ang simbahan sa Damascus sukad nagsugod ang gubat-sibil sa Syria niadtong 2011.
Gikonsiderar usab kining pinaka unang pag-atake sa Syria sukad napalagpot ang rehimen ni kangi Syrian President Bashar al-Assad niadtong Disyembre.
Tungod sa hitabo, nanawagan ang Orthodox Patriarchate sa Damascus sa ilang gobyerno nga panalipdan ang tanang relihiyosong lugar lakip ang mga sibilyan. Nanawagan sa hustisya sa nangamatay ang United Nations.
Daghang mga nasud ang mikondinar sa linoog nga kremin.
Mipasalig si President al-Sharaa nga ang mga responsabli pangitaon ug silotan.
Gisaad sa presidente nga ipadayon sa ilang gobyerno ang pagpanalipod sa mga minoridad ug sa tanang relihiyosong komunidad sa tibuok Syria.
