CAGAYAN DE ORO CITY – Gitahasan ni City Mayor Rolando ‘Klarex’ Uy sila interim Cagayan de Oro Water District o COWD General Manager Fermin Jarales ug on-floating status COWD General Manager Engr. Antonio Young nga maghiusa.
Kini aron dali masulbad ang daghang suliran sa city water district.
Kini ang apelar sa mayor nunot sa iyang pagbatbat sa ikaduha niini nga annual city mayor’s address alayon sa ika-74 ka tuig nga karta sa dakbayan sa miaging adlaw’ng Sabado.
Namahayag si Uy nga dili kini supak sa pangayo-on nga bayrunon sa tubig apan angay bugtian usab kini sa COWD sa maayo nga serbisyo.
Una niini,miduso’g kasong-sibil ang mga tinudlo nga board of directors ni Uy sa korte kay gi-kuwestiyon ang mando ni Pres Bongbong Marcos nga mag-takeover ang LWUA sa COWD.
