CAGAYAN DE ORO CITY, Philippines – Nangayog pasaylo si Australian Olympian Rachael Gunn sa breakdancing community sa ilang nasud.
Nunot kini sa kontrobersiya nga iyang gi-atubang, dihang mitambong sa kompetisyon sa break dancing sa prestihiyosong Paris Olympics.
Hisayran nga napakyas sa pag-abante sa next round ang iladong magtutudlo human sa iyang makauuwaw nga performance.
Kahinumduman nga gihatagan siyag “zero points” o butlog nga grado human labi labi ang kadismaya sa mga hurado sa ilang dili masabtan nga pagsayaw.
Una niini, mibati sa tumang truama ang 36 anyos nga olympian human wala masabti sa mga hurado ang iyang gipakita nga mga dance moves.
Gani mihungaw ang alegasyon nga gimanipular ni Gunn ang selection process, lakip na ang pagmugna sa kaugalingong governing body aron siya ang mapadala nga kontestant sa Olympics.
Iya usab gi hire ang iyang kapikas isip judge sa qualification trial aron segurado ang iyang spot sa Paris.
Gikasubo sa Australian Olympic Committee (AOC) ug World DanceSport Federation (WDSF) ang nasampit nga alegasyon ilabe nga gikonsiderar si Gun nga top-ranked sa Australian B-girls niadtong tuig 2020, 2022 ug 2023 kung asa gi-imbitar kini nga murepresentar sa ilang mga World Championships.
