CAGAYAN DE ORO CITY, Philippines – Bug-at ang mga pasidaan ni Russian President Vladimir Putin batok Ukraine ug Estadus Unidos.
Nunot kini sa ilang nakuhang intelligence report nga misugot si British Prime Minister Sir Keir Starmer nga ipagamit ang kasundaluan sa Ukraine sa long range missiles aron atbangan ang puwersa sa Moscow.
Sa talagsaon media interview, miingon si Putin nga kung suportado sa NATO, Britanya ug Amerika ang gubat sa binayluay sa dagkung missile, gipaniguro niini nga dili magpalupig sa mas moderno nga armas, nga gitoohang gikan pa sa North Korea ug Iran.
Sa pagkakaron ang episentro sa desisyon magsumikad kang US President Joe Biden, kinsa usa sa mipugong nga dili mugamit sa Shadow Missiles kay daghang inosenteng kinabuhi ang madamat niini ug posibleng sugdan na ni Putin ang dugay nang gihugon-hugon nga “nuclear war”.
Hisayran nga ang shadow missile may kapas nga mu-igo sa pinaka-sentro nga bahin sa Russia.
