Usa ka tawo ang gituohang namatay dihang mibusikad ang usa ka sakyanan nga giparking abay sa gambalay sa American Reproductive Centers.
Segun sa mga otoridad, ang insidente nahitabo sa Palm Springs, California, kaganinang kadlawon, oras dinhi sa Pilipinas.
Namahayag ang mga nakasaksi nga nabati nila ang kakusog sa pagbusikad hangtud sa duka ka mlyas ang gilay-on gikan sa nahitaboan.
“Ang insidente natala sa alas-11 sa buntag ug daku ang damyos sa pasilidad sa Klinika,” ingon sa Palm Springs Police Department.
Milusad na sa sobsob nga imbestigasyon ang mga sakop sa FBI ug Bureau of Alcohol, Tobacco, Firearms, and Explosives aron sutaon kung intensyonal ba ang pagpabusikad sa sakyana.
Una nang gikompirmar ni Palm Springs Mayor Ron DeHarte nga usa ka bomba ang gitanom sa sakyanan hinungdan sa dakung ekplosyon.
