Maghiusa ang Sabado Gang Football Club ug Kyle’s Scintilla Brothers alang sa usa ka football tournament isip pagpasidungog sa ilang kauban nga si Kyle Antatico, nga giila nga maayong amahan ug tigpanalipod sa kaayohan sa mga mag‑uuma.
Matod ni Percival Tingpets Velez Batar, ang maong kalihukan gitawag og Justice for Kyle Football Cup nga ipahigayon sa Mayo 9, 2026 sa 41D Camp Evangelista Football Field ning syudad.
Giingon niya nga giandam ang nagkalain‑laing youth divisions ug veterans categories sa maong torneyo aron maapil ang lain‑laing edad sa kompetisyon.
Sa karon, padayon ang rehistrasyon ug pagdawat sa mga team entry samtang gipahinumdom sa mga organizers ang pagsunod sa age requirement sa matag kategorya.
Ang maong torneyo giila nga usa ka paagi sa paghinumdom sa kabilin ug kontribusyon ni Kyle Antatico sa komunidad ug sa sports nga iyang gikahiligan.
