CAGAYAN DE ORO CITY- Emosyonal ang ginang nga nangita sa iyang 12 anyos nga anak nga unang nalumos samtang naligo’g suba diha sa Lower Tambo,Brgy Macasandig ning syudad.
Kini human pakyas pa gihapon ang Oro Rescue ug Philippine Coast Guard o PCG-10 nga makit-an ang biktima nga si Cherry Mae Bato-on nga taga- Brgy Nazareth gikan pagkalumos niini kagahapong adlawa.
Miingon si Gng Maria Theresa Bato-on nga wala magsulti kaniya ang biktima nga maligo’g suba kay lahi ang gitug-an nga rason dihang iyang gitawagan.
Si Cherry Mae ang grade 6 pupil sa South City Central School ang bugtong wala maluwas gikan sa tulo ka magbarkada nga pulos nalumos kagahapong adlawa.
