CAGAYAN DE ORO CITY, Philippines – (update) Lahus sa langit ang kalipay ni Pinay mixed martial artist Islay Erika Bomogao human niya nasakmit ang kadaugan batok kang Japanese fighter nga si Fuu sa undercard sa ONE Friday Fights 86 nga gipahigayon sa Lumpinee Stadium sa Bangkok, Thailand.
Mi-angkon ang pinay nga nagsilbing birthday gift alang kaniya ang iyang kadaugan, kay na-atol kini sa iyang ika-23 nga adlaw’ng natawhan.
Gipasalamatan ni Erika ang iyang pamilya ug coaches nga kanunay ang pagsuporta kaniya, ilabe nga kini pa ang iyang unang away ug pagsalmot sa ONE Championship.
Hisayran nga sa maong match, nakadawat sa unanimous decision si Erika, dihang ang tolo ka mga hurado ang mipabor kaniya.
