Gisugdan na sa World Health Organization ug gobyerno sa Espanya ang usa ka “choreographed” nga operasyon aron luwason ang mga pasahero sa MV Hondius nga gihapak sa makamatay nga Hantavirus.
Gipahunong una ang barko sa kadagatan sa Tenerife, Canary Islands, isip quarantine measure aron masiguro nga dili makatabok ang virus sa publiko samtang gipatuman ang estriktong health protocols.
I-biyahe dayon balik sa Netherlands ang mga pasaherong nagpakita og sintomas, samtang i-repatriate sa ilang tagsa-tagsa ka nasud ang mga himsog nga langyaw ubos sa hugot nga quarantine.
Gikumpirma na sa mga otoridad ang tulo ka namatay sa maong outbreak, hinungdan nga gi-monitor karon sa 23 ka nasud ang lihok sa matag pasahero nga sakay sa barko.
Gipasalig sa W-H-O nga kontrolado ang sitwasyon diin tumong niining “unprecedented” nga lakang nga protektahan ang global health security batok sa maong virus.
