Gipahimangnoan sa National Bureau of Investigation (NBI) si CJ Hirro, anchor sa Peanut Gallery Media Network (PGMN), nga motubag sa subpoena kalabot sa alegasyon sa pag-panikas nga gi-atubang sa founder nga si Franco Mabanta batok kang kanhi House Speaker Martin Romualdez.
Gi-kumpirmar ni NBI Director Atty. Melvin Matibag nga si Hirro gi-isip nga “person of interest” tungod sa iyang pag-apil sa complaint affidavit ug gilauman nga motunga sa NBI ugmang Lunes, Mayo 11.
Una nang naaresto si Mabanta ug upat ka kauban niini sa usa ka entrapment operation human giingong nangayo sa P350-milyon gikan kang Romualdez aron dili ipagawas ang video nga nagpasangil sa korapsyon.
Gipasalig usab sa NBI nga ang ilang aksyon nakabase sa ebidensya nga nakalap, samtang gipanghimakak ni Mabanta ug sa iyang kampo ang mga pasangil. (phillip ariata)
