CAGAYAN DE ORO CITY – Kawad-on sa Dawla Islamiya terror group ang pagkamatay sa lider nga si Owayda Marohomsar alyas Abu Dar.
Kini taliwala nga adunay bag-ong lider nga mihulip sa maong grupo nga si Jakari.
Si AFP Western Mindanao Command o Westmincom spokesperson Lt Col Gerry Besana miingon nga apektado usab ang operasyon sa Southeast Asian-Dawla Islamiya sa kamatayon ni Abu Dar.
Tungod niini, masaligon si Besana nga sa dili madugay hingpit na nga mapukan sa militar ang ISIS-inspired Maute terrorist group.
Kahinumduman nga si Abu Dar ang gitudlo sa ISIS group nga mangulo sa mga terorista sa Asya isip hulip kang Isnilon Hapilon nga napatay sa militar sa Marawi City niadtong Oktubre 2017.
