Gitin-aw sa CLENRO ang dagan sa pagbalhin sa mga gipangkuha nga bukog sa Bolonsori City Memorial Park.
Subay sa datos ni Engr. Primo Revilla III, miabot sa 34,216 ka patay’ng lawas ang na-exhume sa sam-ang diin kapin 19-mil na niini ang napahimutang sa columbarium ug multi-level burial.
Gipasabot sa opisyal nga nakatabang nang dako ang maong condo-type system aron mahimong paspas ug hapsay ang pagbisita sa mga kabanay ning miaging Undas.
Nagpabilin usab nga abli ang ilang Admin Office para sa mga pamilya nga gusto pang mangayo og code ug lokasyon sa ilang mga minahal sa kinabuhi.
