CAGAYAN DE ORO CITY – Balik sa orihinal nga mga rota ang mga pasayruhang behikulo nga naipit ang kinitaan ug naghatag sa grabeng kahasol sa mga pasahero epekto sa inisyal nga pagpatuman sa Local Public Transport Route Plan o LPTRP sa dakbayan ning semanaha.
Kini human idangop ni City Vice Mayor Jocelyn Rodriguez kang City Mayor Klarex Uy kuyog ang mga apektadong drayber ang nahatag nga kahasol sa pag-implementar sa bag-ong mga rota.
Namahayag si LTFRB 10 regional director Abosamin Matuan nga mismo si Mayor Klarex ang mipakanaug sa hukom human nadunggan niini ang hangyo sa public transport groups kagahapon sa hapon.
Dugtong niini,gihangyo ni Matuan ang mga drayber nga sa oras nga ibalik na’g patuman ang programa hinaut nga mosanong na tanan ug dili mag-transport strike aron walay mapahamtang nga silot batok kanila.
