Gipasabot ni kanhi Cagayan de Oro City Mayor Oscar Moreno nga ang giatubang nga tulo ka counts sa murder ni kanhi Presidente Rodrigo Duterte sa International Criminal Court (ICC) giisip nga non-bailable ubos sa internasyonal nga balaod.
Bisan pa man sa kabug-at sa maong mga sumbong, gipahayag sa kanhi mayor nga adunay lig-on nga basehan ang kampo ni Duterte nga mangayo og temporaryong kagawasan samtang nagpadayon ang trial.
Giklaro ni Moreno nga mahimong gamiton ang humanitarian grounds isip rason, ilabi na nga ang kanhi presidente anaa na sa edad nga 81-anyos.
Gikinahanglan usab nga masiguro ang igong medical support gikan sa korte aron mabantayan ang pisikal nga kahimtang sa akusado tungod sa pangidaron niini. (jane abulag)
