CAGAYAN DE ORO CITY – Gibaweala sa Local Water Utilities Administration o LWUA ang katudluan ni Engr Edna Najeal isip bag-ong acting general manager sa Cagayan de Oro Water District o COWD.
Kini human namugos ang LWUA nga dakong kasupakan sa balaod ang gihimo sa set aside COWD regular board of directors kang Najeal.
Basehanan sa ilang baruganan ang LWUA board of trustees meeting diin nauyunan nga lugwayan sa unom ka bulan ang pagdumala ni COWD interim General Manager Fermin Jarales kuyog sa board of directors niini.
Kini sa tuyo nga mapadayon ang pagtubag sa normal water services ug sa oversight task niini samtang nangita sa lahutay nga sulbad sa daghang suliran nga giatubang sa panubig sa dakbayan.
Una nang namugna ang water supply crisis dihang napugos pagputol ang Cagayan de Oro Bulk Water Inc (COBI) sa panubig sa COWD kay pakyas mabayran ang outsanding debt niini nga 470 milyones pesos.
Naapektuhan sa maong temporaryong pagputol ang 40-mil ka tagbalay sa distrito uno sa dakbayan.
Miapelar ang LWUA sa tanang panig nga tahuron ang prosesong-legal ug ang mga hukom aron dili mosamot ang pagkabalda sa panubig sa dakbayan.
Giklaro sa ahensiya nga ang katudluan ni Najeal ang giingong dili legal o balido.
