Gipangutana ni Senador Rodante Marcoleta ang Department of Energy (DOE) ug Department of Economy, Planning, and Development (DEPDev) tungod sa kakulang sa aksyon sa pag-beripeka sa datos nga iyang gi-presentar nga nagpakita sa mas barato nga suplay sa lana gikan sa Singapore.
Sa pagdungog sa Senado, iyang gipangayo ang report ug tubag sa mga kompanya sa lana human iyang ibutyag nga ang halin nila miabot sa halos P3-bilyon kada adlaw sukad sa pagsaka sa presyo sa petrolyo.
Mahinumduman nga gi-kompirmar sa senador nga ang presyo sa lana sa Singapore mas ubos, nga nagpakita sa P43 kada litro, ug giingon nga posibleng adunay mga nagpahimulos sa sitwasyon.
Gipangayo usab ni Marcoleta nga ipasabut sa mga ahensya ang padayon nga pag-import sa coal products bisan pa sa kakulang sa nasud niini. (Phillip Ariata)
