Gi-kumpirmar ni Senate Committee on Ethics Chairman Senador JV Ejercito nga gina-istoryahan na sa kampo ni Senador Ronald “Bato” dela Rosa ang sugyot nga boluntaryong undangon sa pagdawat sa suweldo ug allowances sa Senado samtang wala pa siya motunga sukad Nobyembre 2025.
Matod ni Ejercito, bisan wala sila’y direktang komunikasyon kang dela Rosa, adunay impormasyon nga gina-diskusyonan na kini sa iyang kampo ug posibleng adunay positibong kalamboan sa sunod semana.
Ang tumong sa maong sugyot mao ang pagpakunhod sa pressure sa Senado ug sa ethics committee nga nag-atubang sa reklamo batok sa senador.
Dugang pa ni Ejercito, kung boluntaryo buhaton ni dela Rosa ang pag-undang sa pagdawat sa suweldo ug allowances, posible nga mabasura ang ethics complaint nga nagbase sa iyang padayon nga pagdawat sa P237,000 matag bulan bisan wala siya motunga sa Senado. (Phillip Ariata)
