CAGAYAN DE ORO CITY – Gipangita sa mga operatiba sa Puerto Police Station ang mga responsabli pagdunggab-patay sa habal-habal driver sa Purok 8,Upper Brgy Puerto ning syudad.
Kini human igo na lang nakit-an nga wala na’y kinabuhi ang biktima nga si England Dan Huerta, 39 anyos,minyo ug taga-Brgy Alae,Manolo Fortich,Bukidnon sa ngi-ob nga bahin sa dalan sa maong lugar.
Gibuttyag ni Major Ammanolah Bantuas Jr,hepe sa Puerto Police Station nga subay sa sulti sa kapikas ug mga kauban sa trabaho nga dagha’g gikakontra ang biktima rason nga tipik kini sa gitan-aw nga anggulo sa hitabo.
Siya miingon nga gibalikan pa niya sa iyang imbestigador ang kapikas aron makakuha’g mas klaro nga pagsaysay sa mga kalihukan sa iyang kapikas ayha kini nakit-ang wala na’y kinabuhi.
Tipik sa gitan-aw nga anggulo ang bangi sa yuta apan matubag lang ang daghang pangutana kung madakpan na ang mga mamumuno sa maong kremin.
