Naghatod sa tabang sa mga tricycle driver ang aktres ug host nga si Kim Chiu isip kabahin sa iyang birthday celebration, diin nanghatag siya sa libreng gasolina ug grocery packages sa mga drivers.
Sa iyang social media post, gipakita ni Kim ang mensahe nga, “Birthday charity sa mga jeepney and tricycle driver!” samtang daghang hulagway ug istorya sa nakadawat sa ayuda ang gipang-share sa mga netizen.
Dili na kini bag-o sa aktres nga nailhan sa iyang mga charity initiatives matag birthday, sama sa pagtabang sa mga Aeta sa Zambales ug paghatag sa construction materials sa mga biktima sa linog sa Cebu.
Daghang nakadawat sa tabang ang nagpahayag sa ilang pasalamat, nga dako kaayo ang bili sa simpleng suporta sa aktres, ilabi na sa padayon nga pagsaka sa presyo sa gasolina ug kalisod sa panginabuhi sa mga driver. (phillip ariata)
