Gibutyag ni Geopolitical Analyst Herman Tiu Laurel ang mapait nga reyalidad nga giatubang karon sa libo-ang mangingisdang Pilipino nga napugos nga mobiya sa ilang kaugalingong kadagatan tungod sa nagpadayon nga Balikatan exercises.
Tungod sa gipahigayon nga mga live-fire drills, napugos ang mga mangingisdang pinoy sa paghunong sa ilang panginabuhian aron malikayan ang peligro nga basin maigo sila sa bala.
Giklaro ni Laurel nga, base sa mga report gikan mismo sa website sa militar sa Estados Unidos, ang tinuod nga agenda niini mao ang pagpangandam og “proxy war” o paghagit og giyera batok sa China.
Gidugang pa sa eksperto nga sulod sa pipila ka dekada, gipalibotan na sa Estados Unidos ang China pinaagi sa ilang mga base militar ug tropa sa mga dapit sama sa South Korea.
