CAGAYAN DE ORO CITY – Moangkon na lang unta ug dili na magdagha’g pangulipas si kanhi City Mayor Oscar Moreno kon nganong nakasulod ang kompanyang Metro Pacific aron maoy mag-suplay-tubig sa COWD ning syudad.
Kini human basula sa kampo ni Uy si Moreno kon nganong naglisod pagbayad ang COWD sa obligasyong-pinansyal ngadto sa COBI.
Miingon ang mayor nga nasobrahan ra kasayo ang pagpanghugas-kamot ni Moreno nga unta katapusang semana pa man sa Marso ang pagtamod sa semana santa.
Samtang dili paglisud-lisod sa katawhan apan pagbaton sa kumpiyansa nga mamuhunan ug mokita ang pagsulod sa kompanyang MetroPac ni Manny V. Pangilinan dinhi sa syudad.
Kini ang hinungdan nga gitambungan daw ni Moreno ug pipila ka former city councilors ang pinirmahay sa kontrata tali COWD ug MetroPac sa kauluhan aron water supplier na sa syudad.
Miingon si Moreno nga walay kasayuran si Mayor Klarex sa iyang gipanulti rason nga angay sulbaron ug dili lisud-lisuron ang COWD ug COBI sa ilang kasamtangang transaksyon.
