CAGAYAN DE ORO CITY – Mi-apelar si City Mayor Klarex Uy sa pakighiusa taliwala sa managlahi nga gipapigan sa politika ang katawhan sa dakbayan.
Gihimo sa mayor ang hangyo atubangan sa mga kaliwatan sa unang mga mayores nga mitambong sa ika-75 nga tuig nga kasumaran isip karta nga syudad ang Cagayan de Oro kagahapong adlawa.
Namahayag ang mayor nga unta dili itugot sa katawhan nga mausik ang mga sakripisyo sugod sa unang mayor hangtod sa kasamtangang nagdumala sa dakbayan.
Kini tungod kay kung buhi ug aktibo pa unta sa mga katungdanan ang maong mga mayores sa katungdanan,dili usab nila ikatugot nga mabutang sa kawang ang ilang nasugdan.
Hisayrang gumikan kay natunong man sa Domingo ang charter celebration sa syudad, gihangyo sa city govt nga madeklara nga special non-working holiday ang petsa 15 sa adlaw’ng Lunes diin nagpasbot nga wala una’y trabaho ug pagbukas sa klase sa mga tunghaan ning adlawa.
