CAGAYAN DE ORO CITY – Lagpak ang gihatag nga grado ni kanhi City Mayor Oscar Moreno sa unod sa ikaduhang city mayor’s annual report ni incumbent City Mayor Rolando ‘Klarex’ Uy sa syudad.
Kini human anaa lang sa 3 gikan sa 10 ang grado nga gihatag sa kanhi mayor annual report ni Uy sa katawhan.Namahayag si Moreno nga tinood nga dunay mga proyekto sa iyang panahon nga maglisod paghuman kay gipangkil-kilan man sa sobra 12 porsiento sa kasamtangang administrasyon.
Una niini,wala palabya sa speech writers ni Klarex ang pipila ka mga kapalpakan ni Moreno rason apil kini sa nabatbat sa annual report sa miaging semana.
Sa pikas bahin,gikompirmar ni Moreno nga kamulo na ang iyang konsultasyon sa nagkadaiyang sektor kon angay pa ba kining modagan batok kang Uy sa piliay sunod tuig.
Kini human nanganti si Moreno nga siya ang mangunay pagtiwas sa mga proyekto nga iyang nasugdan apan gipasagdan ni Klarex.
Siya miingon nga andam kining makighiusa sa laing pundok sa oposisyon kon magpadayon ang pagpasagad ni Uy sa kahimtang sa dakbayan.
Hisayrang gawas kang Moreno, nangandam na usab ang kampo ni kanhi Phividec administrator Pompee La Viña nga subli modagan aron atbangan si Uy.
