MANILA – Milampos ang mga miyemrbo sa Police Regional Office 11 sa pagguba sa pultahan pasulod sa gi-ampingan nga Cathedral sa Kingdom of Jesus Christ Church didto sa Davao City.
Si Department of Interior and Local Government Secretary Benhur Abalos ang mipa-ambit sa video sa social media.
Gipakita ni Abalos kung unsa kalisod ang gidangatan sa raiding team aron makasulod sa kinauyukang bahin sa compound diin gitoohang nagtago si Pastor Apollo Quiboloy, ang founder sa KOJC.
Masaksihan sa video ang paglaser sa mga sakop sa simbahan sa mga pulis. Engrande ang sulod sa VIP room sa Cathedral ug gipasil-ip usab sa PRO-11 ang mismong stage kung asa ipahigayon ni Quiboloy ang pagsangyaw sa iyang regular nga misa sa simbahan.
Maoy nadiskobrehan sa kapulisan ang ‘secret door’ nga gituohang padulong sa kwarto sa pastor.
Sa ikalima nga adlaw sa pagsilbi sa warrant of arrest, padayong idlas sa kamot sa mga otoridad ang wanted nga amahan sa simbahan.(Bombo Anne Quileste).
