Wala pay napili si Presidente Ferdinand Marcos Jr nga muhulip sa biyaang poste ni outgoing 4ID Commanding Officer Brigadier General Michelle Anayron.
Nunot kini sa gi-anunsyo nga relinquishment of post ni Anayron sa 4th Infantry Divison karong Abril 29.
Miingon ang komandante nga wala pa siyay ideya kung kinsa ang muhulip kaniya, apan, nagmalaumon kini nga ipadayon sa sunod nga liderato ang iyang nasugdan nga reporma, lakip na ang pagkalag sa nahibiling 12 nalang ka armadong guirella fighters sa New Peoples Army (NPA) nga nakabase sa North Central Mindanao.
Masaligon usab ang 4ID nga magpabilin ang pagsalig sa katawhan sa kasundaluan sa pagpanalipod sa kahusay ug kalinaw sa rehiyon, ilabe na nga nagkahuyang ug samot ug halos wala nay insidente sa insurhensiya sa Amihanang Mindanao.
