Gitakdang ilhon sa nasudnong gobyerno sa Australia ang pagkamabayanihon sa usa ka bystander sa Sydney nga mipatumba sa usa sa mga shooters sa Bondi Beach sa New South Wales. Nagviral na ang video kung asa makita si Ahmed al-Ahmed, nga miilog sa armas sa suspek, dihang aksyon kining namusil sa mga nangaligo sa dagat samtang nagselebrar sa Jewish Community sa ilang tinuig nga pista sa “Chanukah by the Sea” . Ang atake sa mag-amahang suspek, gitratar na isip terroristic attack, tungod sa pagkamatay sa 11 ka tawo, ug lauman ang patung-patong nga kaso ang isang-at batok kang Naveed Akram, 24 anyos. Sa pikas bahin, napatay sa kapulisan ang amahan ni Akram nga si Sajid, 50 anyos. Subay sa report sa Australian Security Intelligence Organisation (ASIO) nagbaton sa grabeng kapungot ang mag-amahan Muslim, batok sa mga hudyo, busa random kining namusil niadtong domingo. Sa gilusad nga clearing operations, nakakuha usab ang mga kapulisan sa gitanom nga improvised explosive device (IEDs) sa mga suspek palibot sa labing sikat nga beach resort sa Sydney.
