Patay ang usa ka lalaki human niya gisunog ang kaugalingong panimalay lakip na ang iyang lawas didto sa Agusan Canyon, Manolo Fortich, Bukidnon kagahapong adlawa.
Gipahibalo ni PLTCOL Rogie C. Ortencio, ang hepe sa Manolo Fortich Police Station, nga depresyon ang ilang gilantaw nga anggulo sa insidente human nakita sa ilang inisyal nga imbestigasyon nga walay foul play.
Giingong dako og posibleng epekto sa biktima ang pagpanagbas nga mikutlo sa kinabuhi sa iyang igsoon niadtong milabayng bulan.
Base pa sa pahayag ni Ortencio, nag-viral sa social media ang video diin makita nga ang biktima mismo ang nagpasugod sa kalayo ug gipugngan pa niini ang mga silingan nga mosulay unta og tabang.
Human makontrolar ang kalayo pag-abot sa ala-una dyes sa hapon, narekober sa rescue team ang sunog nga lawas sa biktima samtang padayon ang pagpahimangno sa kapulisan sa publiko bahin sa pagpangayo og tabang kon makasinati og depresyon
