Niabot na sa 25 porsiyento ang containment sa Lucas Fire sa Northern California, nga nakasunog og gibana-banang 1,663 ka ektarya nga kabukiran duol sa Mendocino National Forest.
Ang mas bugnaw nga panahon ug mas hinay nga hangin nakatabang sa mga bombero sa pagpalig-on sa mga containment line ug paglimit sa pagkaylap sa sunog.
Nagpabilin ang mga evacuation order ug warning sa pipila ka bahin sa Lake ug Mendocino counties, samtang adunay evacuation shelter sa Lake County Fairgrounds ug temporaryong gisirhan sa U.S. Forest Service ang pipila ka bahin sa Upper Lake Ranger District.
Sa kasamtangan, padayon pa gihapon ang imbestigasyon bahin sa hinungdan sa pag-ulbo sa maong sunog. (raniel mahunyag)
